Home

كتاب تاريخ العصامية والجربعة هو كتاب اجتماعي لكاتبه محمد نعيم.

يمكنني اﻹدعاء أن محمد نعيم من أفضل الكتاب اللي قرأت لهم مقاﻻت، الجميل في أسلوب محمد نعيم هي تأملاته وطريقة تفكيره اللي بالنسبة لي سلسة ومنطقية وجديدة ومثيرة للاهتمام كمان.

الكتاب بيتكلم عن مفهومين هما العصامية والجربعة، الجميل والجديد هنا إن تقريبا أنا كان عندي هذه الأفكار في دماغي بصورة بدائية، الجميل في شغل محمد نعيم إنه بيرتب أفكارك وبيمد الخطوط على استقامتها ويوصلك لنتائج وملاحظات لطيفة ومنطقية جدا.

عادة ما يتم شيطنة حركة الضباط الأحرار وغالبا يتم الانتصار للفترة السابقة (الملكية) على حساب حركة الضباط الأحرار، وأنا بصراحة بحس بتحيز كبير لما أﻻقي كاتب بيعمل كده، الشيء الجميل هنا إن محمد نعيم ﻻ بيشيطنها وﻻ بيصورها بصورة الملاك المخلص للمصريين، هو أصلا بيتكلم عنها بشكل بيهتم أكتر بسرد الحقائق في سياق فكرته الأساسية اللي الكتاب بيدور حولها.

الكتاب يتحدث عن فترة مبارك اجتماعيا، وعادة الفترة دي ما يتم إهمالها -على الأقل في ما قرأت- لأنها فترة “زق معايا اليوم” بالرغم من وجود تغييرات اجتماعية مش قليلة فيها.

الكتاب فعلا زي ما مكتوب على الغلاف هو تأملات نقدية في الاجتماع السياسي الحديث، الكاتب مش بيقدم نظريات مُحكمة وشاملة للأحداث اللي حصلت وﻻ حتى بيحاول يدعي ده، وده اللي مخلي الكتاب خفيف وظريف.

أرشح الكتاب ده ومقاﻻت محمد نعيم في العموم لأني معجب بطريقة كتابته وتفكيره في العموم.